Hajdutat e veturave kanë gjetur një mënyrë shumë dinake për të vjedhur Ferrari!

liridona 0

Të gjithë ata që kanë Ferrari dhe vetura tjera të shtrenjta, duhet të kenë shumë kujdes

Forcat e rendit në Afrikën e Jugut, janë duke u marrë me një grup kriminal, që shënjestër i kanë makinat e reja nga Ferrari. Ata po shfrytëzojnë një mënyrë sa të lehtë aq edhe dinake, që të vjedhin këto makina të çmueshme.

Zyrtarë nga Ferrari, kanë bërë të ditur se një llogari që po bën xhiro në Facebook, nuk është në pronësi të tyre dhe derisa po vazhdon të jetë e hapur, mund të jetë duke kryer vjedhje të ndryshme.

Nëpërmjet kësaj llogarie, ata po paraqiten si zyrtarë nga Ferrari dhe po i kontaktojnë personalisht pronarët që kanë makina të tilla, për t’i njoftuar për një përditësim të ri. Duke menduar se gjithçka është në rregull, ata po bien në kurth të këtyre hajnave.

Në shtëpitë e tyre, të nesërme janë paraqitur makinat për transportimin e veturave, të mbështjella me logot që dukeshin origjinale.

Atyre iu janë prezantuar edhe dokumentet që dukeshin si zyrtare, që pronari të nënshkruajë dhe ta dorëzojë veturën. Me të kryer krimin, veturës i është larguar sistemi GPS dhe të rënit në gjurmë të saj, është bërë e pamundur.

Një Ferrari 812 Superfast, që u vodh dhe u dërgua në Mozambikun fqinj, ku iu larguan të gjitha pjesët, ka qenë ndër të parat që u lajmërua si e vjedhur.