Volkswagen-i elektrik I.D.R drejt vendosjes së një rekordi të ri në Nürburgring

Admin 0

Sipas disa burimeve brenda kompanisë Volkswagen, kompania po planifikon që të dërgojë makinën elektrike I.D.R për të vendosur një rekord të ri në pistën e Nürburgring. Madje Volksawagen ka prenotuar edhe pistën për muajin maj të vitit të ardhshëm. Deri tani rekordin si makina elektrike më e shpejtë e mban NIO EP9 me 6 minuta e 45 sekonda ndërsa rekordi si makina më e shpejtë e mban një Porsche 919 Hybrid Evo me 5 minuta dhe 19 sekonda.

Sipas simulimeve të bëra nga kompania Volkswagen mendohet se makina Volkswagen I.D.R mund të arrijë një kohë më të shpejtë se 5 minuta e 30 sekonda. Kjo do të thotë se kjo makinë mund t’i thyejë të dy rekordet njëkohësisht. Vendosja e një rekordi të ri nga Volkswagen I.D.R do të ishte një reklamë shumë e mirë për  makinën Volkswagen I.D i cili do të dale në shitje në fund të vitit të ardhshëm. Piloti i cili do të tentojë të vendosë rekorde të reja me Volkswagen I.D.R do të jetë Romain Dumas. Ai është një pilot i zoti i cili e ka fituar 4 herë garën 24-orëshe të Nürburgring.

This post is also available in: English